Көлде адасқан балықшы

Қызылжар ауданының орталығы Бескөл ауы­лының 70 жастағы тұрғыны Сергей Косенко туыс­­тарына ескертпеген күйі таңертең көлге ба­лық аулауға ке­тіп қалған. Кешке жақын зейнеткер балалары­на телефон соғып, көл ортасында бағытынан ада­сып кеткенін айтқан. Немересіне көлдің Аққайың ауданының Дайындық ауылына жақын жерде екенін айтып үлгеріпті. Содан кейін телефоны өшіп, байланыс үзіліп кеткен.

Өздігінен қарияны таба алмайтынына көз жет­кізген балықшының немерелері “112” нөміріне хабарласып, көмек сұраған. Аққайың ауданының учаскелік полиция инспекторы мен төтенше жағ­дайлар жөніндегі қызметкерлері адасып кеткен ер адамды іздеуге кіріскен. Бес сағат бойы көлде адасқан зейнеткер қамыс арасынан көрінген жа­рықты байқап, жағалауға қарай жүзген. Жаңбыр­дан малмандай су болып, қатты тоңған оны жа­ға­лауда туыстары күтіп алды. Балықшы құтқару­шы­ларға алғысын білдірді.

Ерлан МАХМЕТОВ,

облыстық полиция департаменті ішкі және сыртқы коммуникациялар бөлімінің бас маманы.

Add comment


Security code
Refresh

Біздің мекенжайымыз: 150000. Қазақстан Республикасы, Петропавл қаласы, К.Сүтішев көшесі, 7-үй. Газет поштасы: This email address is being protected from spambots. You need JavaScript enabled to view it. тел: 500914

Яндекс.Метрика