ТАҢДАУЛЫЛАР ҚАТАРЫНДА

Жуырда “Елбасы медалі” жобасын іске асыру шеңберінде дарынды балалар мен жастарды анықтау және қолдау көрсетуде барынша белсенділік танытқан ауыл мектептеріне талдау жүргізіліп, олардың арасынан Аққайың ауданындағы №1 Смирнов орта мектебі үздік деп танылды.

“Елбасы медалі” жобасы 2020 жылдан бері жүзеге асырылып келеді. Негізгі ұйымдастырушы­лары Нұрсұлтан Назарбаев қоры мен Елбасы академиясы. Ұлттық деңгейдегі бірегей жоба 14-29 жас аралығындағы қазақстан­дық­­тарды қоғам өміріне белсен­ді­лікпен тартуды, өзін-өзі да­мы­туға үйретуді, саламатты өмір сал­тын ұстануды, білімді де креа­тивті жастар қатарын көбейтуді көздейді. Бір жылдың ішінде рес­публика бойынша 20 мыңнан ас­там жасөспірім бағдарламаға тар­тылып, 3920-ы қола, 8-і күміс ме­дальмен марапатталды. 84 үміт­кер бағдарламаны аяқтағаны жө­нінде сертификат алды.

Биыл “Елбасы медалі” иегер­лерінің 605-і грант жеңіп алып, жоғары оқу орындарының сту­ден­ті атанды. Солардың үштен бі­рі – ауыл балалары. Қатысушы­лар спорт, таланттар мен дағды­лар, кітап оқу, ұлттық мұра, ерікті­лік, экспедициялар мен жорық­тар, еңбек тәжірибесі секілді 7 ба­ғытта өз шеберліктерін шыңдай­ды, білімдерін көтереді. Олардың қатарында мерекелік іс-шаралар, қайырымдылық акциялар ұйым­дастыруға жүйелі түрде атсалы­сатындар қатары аз емес.

Өңірде 292 қатысушы қола ме­дальға, соның ішінде 29-ы мем­ле­кеттік білім грантына ие болды. Қазір “Елбасы медалі” бағдар­ла­масына 404 жас қатысуда. 258-і қола, 70-і күміс медальға үміткер. Жергілікті бағдарламаның жұмы­сын 19 тәлімгер, 2 сарапшы үй­лестіреді.

Елбасы академиясы корпора­тивтік қорының көшбасшылықты дамыту орталығының басшысы Айгүл Қуатова мен “Елбасы ме­далі” жобасының менеджері Әсел Кисаева №1 Смирнов орта мектебіне арнайы барып, ұстаз­дар қауымын кәсіби мерекемен құттықтады. Бағдарлама тапсыр­маларын үздік орындаған оқушы­ларға “Елбасы медалін”, ал мек­тепке 2 млн. теңгенің сертифика­тын салтанатты жағдайда табыс етілді. Бұл білім ордасында 12 оқушы бағдарламаны сәтті аяқ­тап, қола медаль иеленді. Ал осында еңбек ететін ұстаз Дина­ра Ғаппасова бағдарлама­ның ал­тын деңгейіне әзірленуде. Тағы 13 оқушы барлық тапсырма­лар­ды орындап, комиссия шешімін күтіп отыр. “Ауыл мектептерінің ара­сында ең жоғары көрсеткіш­терге жеткендеріңіз Қызылжар өңі­рінде жобаның сәтті жүзеге асып жатқанын айғақтайды. Ал­да­ғы уақытта алтын және күміс жүл­делерге ие болады деген се­німдемін”, – деді Айгүл Қуатова.

Болатхан ЖҮСІПОВ,

облыстық әдістемелік жұмыс және ақпараттық технологиялар орталығы директорының орынбасары.

Add comment


Security code
Refresh

Біздің мекенжайымыз: 150000. Қазақстан Республикасы, Петропавл қаласы, К.Сүтішев көшесі, 7-үй. Газет поштасы: This email address is being protected from spambots. You need JavaScript enabled to view it. тел: 500914

Яндекс.Метрика