- 15 Ақпан 2021
Қоқиқаз
Қоқиқаз – дене бітімі ерекше, тұмсығы имек, сирек кездесетін құс. Қорғалжын қорығындағы Теңіз көлінде ғана ұялап, жұмыртқалайды. Қораздары мекиендерінен ірілеу. Бойының биіктігі – 91-120 сантиметрдей.
- 15 Ақпан 2021
ҚЫСТА ҚОЛДАН ҚОРЕКТЕНДІРЕДІ
Омбы қарда орғып ойнаған елікті көрген де арманда, көрмеген де арманда! Қандай ерке, неткен сұлу! Шаңырақ мүйіз маралдардың тәкаппар жүріс-тұрысы, тіпті, тамаша! Шалт қимылдасаң, жалт бұрылып тым-тырақай қаша жөнеледі. Түз тағысы болған соң үрікпей қайтсін?! Алайда, қолдарында шелегі бар қорықшыларға бауыр басқан сыңайлы. Жапа-тармағай келіп, арпаға бас салады. Осынау көріністі сырттай бақылаудың өзі адамның табиғатқа деген сүйіспеншілігін арттыра түсердей.
- 14 Қаңтар 2021
Қарақал
Қарақал – шөлейтті, шөлді аймақтарды мекендейтін мысық тұқымдас жыртқыш аң. Сырт тұлғасы сілеусінге ұқсас бұл аңды “қарақұлақ” деп те атайды.
- 14 Қаңтар 2021
МҰЗДАЙ СУДА – «МОРЖДАР»
Петропавлда негізінен 23-тен 60 жасқа дейінгі адамдар қысқы суға шомылумен айналысады. Арасында бұрымдылар да аз емес. Тіпті, “морждардың” қатарында 7 жастағы балалар мен 70 жастан асқан қариялар да бар. Яғни, бәрі де – саламатты өмір салтын ұстаймын деп мұздай судан тайсалмаған батыл жандар. Олардың ойынша, салқын су адамға сергектік сыйлап, бойына қуат береді. Ерік Мағамбетовтың айтуынша, қыста өзен үкісіне суға түсем деушілер үшін арнайы курстар ашылған. Онда білікті морждар теорияны да, тәжірибені де үйретеді.
- 14 Қаңтар 2021
Қоршаған орта — ұдайы назарда
Қоршаған ортаны ластамай, табиғи байлықтарымызды көздің қарашығындай қорғауға әрбір жан атсалысуы керек. Бұл мәселе облыстық экология департаментінің ұдайы назарында. Мәселен, өткен жылы мемлекеттік экологиялық бақылау бөлімі 36 тексеріс жүргізсе, соның 29-ы – алдын алу, 7-еуі жоспардан тыс бақылау болды. Бұдан бөлек, өңірдің табиғат пайдаланушыларына экологиялық заңнаманы бұзуды жою туралы 143 ұйғарым берілді. Оның 120-сы орындалса, қалғаны бойынша орындау мерзімі аяқталған жоқ. Анықталған заң бұзушылықтарға қатысты жалпы сомасы 3 млн. 600 мың теңге әкімшілік айыппұл салынды. Бүгінге дейін оның 3 млн. 160 мың теңгесі өндіріліп алынды.
