- 31 Тамыз 2020
ТАҒЫ ДА БАЛЫҚ ҚЫРЫЛДЫ
Жақында Тайынша ауданында тосын жағдай орын алып, Шағалалы теңіз көлінде 1,5 тонна балық қырылған болатын. Балықтың қырылу себебі ресми түрде жарияланбаса да, алдын ала болжам бойынша су астындағы өсімдіктердің шіруінің салдарынан күкіртсутек концентраты пайда болып, балықтардың улануына себеп болғаны айтылған. Бұрнағы күні Айыртау ауданындағы Кіші Қоскөл көлінің солтүстік-батысында 500 килограмнан астам мөңке сазаны жаппай қырылып, жағаға шығарылғаны жөнінде хабар тарады.
- 27 Тамыз 2020
“ЖАСЫЛ ЕЛ” ЖАСАҒЫНЫҢ ЖӘРДЕМІ
“Жасыл ел” еңбек жасағының мүшелері табиғатты қорғауға сүбелі үлес қосуда.
- 25 Тамыз 2020
ҚОҚЫС ӨҢДЕЙТІН ЗАУЫТ САЛЫНБАҚ
Экология саласындағы өзекті мәселелердің бірі – өндірістік және тұрмыстық қатты қалдықтарды жинақтау, сұрыптау және қайта өңдеу. Әлемдік тәжірибеден мысал келтірсек, қалдықтарды сұрыптап, қайта өңдеу ісі өркениетті елдерде жақсы жолға қойылған. Мәселен, Германияда кез келген сусынның бағасына құтының құны қосылады. Оны кері өткізгенде ыдыстың ақшасы қайтарылады. Мұны қоршаған ортаға жанашырлық көзқарасты қалыптастырудың, экологиялық мәдениетке тәрбиелеудің бір тиімді әдісі десе де болады. АҚШ-та қалдықтар пластикалық бөтелкелерге жиналып, үйлердің алдына қойылған контейнерлерге салынады. Ұлыбританияда тұрмыстық қалдықтарды дұрыс сұрыптамаған жандар қомақты айыппұл төлейді. Жапонияда әр қалдықтың өзіне тиесілі түрлі түсті пакеттері қойылады. Финляндияда күл-қоқыс вакуумды құбырлар арқылы бірден қалдық заттарды өңдейтін зауыттарға жөнелтіледі.
- 25 Тамыз 2020
ҚАТЫГЕЗДЕРГЕ ТОСҚАУЫЛ ҚАЖЕТ
Соңғы кездері үй жануарларын қатыгездікпен қорлаушылардың жауыздық іс-әрекеттері қоғамда үлкен наразылық тудырып, тиісті жерлерге қарата айтылған өтініш-тілектер заң нормаларын қайта қарап, барынша қатайту керек деген ортақ арнаға тоғысады. Шынында да, пайдасынан басқа зияны жоқ төрт аяқтыларға көрсеткен тағылық мінездер жаға ұстатады. Атыраулық тасжүрек иттің басын тоңазытқыштың есігіне қысып, адамның өңі түгіл түсіне де келмейтін қылмысқа барған. Алматы облысында жасөспірімдер итті қапқа салып, үстіне бензин құйып, өртеп жіберген. Жүректі селт еткізетін мұндай сұмдық жағдай Қызылжар ауданында да орын алған. Көршілері дабыл қақпағанда жабулы қазан күйінде қалып, жазадан құтылып кетер ме еді? Бескөл кентінің екі тұрғыны итті сойып, еті мен майын алмақшы болған. Олардың жауыздық пиғылы дер кезінде тәртіп сақшыларына хабарланған. Бір аңғарғаным, үй жануарларын еш шімірікпестен қорлаушылардың дені – балиғат жасына толмағандар. Олардың қолдары дірілдеместен мұндай әрекеттерге баруы қарадай түңілдіреді.
- 25 Тамыз 2020
Жанашырлық жетіспейді
20 шілдеде бастау алып, 30 тамызға дейін жалғасатын “Таза Қазақстан” республикалық акциясы өңір тұрғындарының бойында қоршаған ортаға жанашырлық көзқарасы мен саялы жерлерде демалу мәдениетінің төмендігін тағы бір айғақтап берді. Бір мыңға жуық заң бұзушылықтың орын алуы сөзіміздің нақты дәлелі болса керек. Осы уақыт аралығында рейдтер жүйелі жүргізіліп, жазалау шараларын қолданудан гөрі адамдар жиі баратын өзен, көлдердің жағалаулары мен орманды алқаптар жіті тексерілді. Нәтижесі қандай дейсіз ғой? Қап-қап тамақ қалдықтары, түрлі қап-тамамайлықтар жинап алынды. Аяқ басқан сайын әр жерге қалай болса солай шашылып жатқан бөтелкелерден, полиэтилен пакеттерден көз сүрінді.