Қарағайды заңсыз кескен

Петропавл әуежайына апа­ратын жол бойындағы орманда ағаштардың заңсыз кесілгені анықталды.

Өңір тұрғыны Дмитрий Мура­вьев әлеуметтік желідегі парақша­сында қылқан жапырақты орманда ағаштар кесілген жерден фото­суреттер жариялаған. Бұл желі қол­данушылары тарапынан сынға ұшы­рап, жағымсыз пікірлер тудырды. Бұған "Қызылжар" орман шаруа­шылығы қызметкерлері жауап бе­ріп, кесу ағаштардың санитарлық жағдайын жақсарту мақсатында жүргізілгенін, оған рұқсат етілгенін жеткізді. Ал орман ша­руашылығы және жануарлар дүниесі аумақтық инспекциясының мамандары құрғақ ағаштармен бірге 16 қарағайдың заңсыз кесіл­генін анықтады.

Облыстық полиция департамен­тінің баспасөз қызметі хабарлағандай, келтірілген шығын мөлшері 254853 теңгені құрады. Нәтижесін­де қарағайларды заңсыз кескен Қызылжар ауданындағы Белое ауы­лының тұрғынына қатысты іс жина­лып, Петропавл қаласының маман­дандырылған әкімшілік сотына жі­берілді.

Мұхтар ХАҚНАЗАР.

Add comment


Security code
Refresh

Біздің мекенжайымыз: 150000. Қазақстан Республикасы, Петропавл қаласы, К.Сүтішев көшесі, 7-үй. Газет поштасы: This email address is being protected from spambots. You need JavaScript enabled to view it. тел: 500914

Яндекс.Метрика