БАЛЫҚ ҚЫРЫЛДЫ

Облыс аумағында 1,5 тонна балық қырылды. Орман шаруашылығы және жануарлар дүниесі аумақтық инспекциясы мамандарының айтуынша, тосын жағдай  Тайынша ауданында орын алған.

Осы аудан аумағында орналасқан Шағалалыте­ңіз көлінде балықтың қырылып қалға­нын тұрғындар хабарлаған. Оқиға орнына жедел жет­кен инспекция, табиғи ресурстар және табиғатты пайдалануды реттеу басқармасы мен экология де­партаменті, “Қазгидромет” облыстық мемлекеттік мекемесінің мамандарынан құралған комиссия мүшелері тек­серіс жүр­гізді. Зерттеу барысында су құрамындағы күкіртсу­тек нормадан бірнеше есе асып кеткені белгілі бол­ған. Аталмыш көл облыстық аңшылар және балық­шылар қоғамына тиесілі.

– Балықтың нақты қырылу себебі ресми түрде жа­рияланбаса да, алдын ала болжам бойынша су ас­тындағы өсімдіктердің шіруінің салдарынан күкіртсу­тек концентраты пайда болғанға ұқсайды. Сөйтіп, ба­лықтардың улануына себеп болған. Бұлай дейтіні­міз,  мұндай келеңсіз жайт көлдің қамыс өсіп тұрған бө­лігінде ғана байқалған. Бұл аумақта  былтырғы қа­мыс шірінділері көп кездескендіктен, күкіртсутек га­зы көп мөлшерде бөлінгені байқалады, – дейді  орман шаруашылығы және жануарлар дүниесі аумақтық инспекциясының өкілдері.

Өмір ЕСҚАЛИ,

“Soltústik Qazaqstan”.

 

Add comment


Security code
Refresh

Біздің мекенжайымыз: 150000. Қазақстан Республикасы, Петропавл қаласы, К.Сүтішев көшесі, 7-үй. Газет поштасы: This email address is being protected from spambots. You need JavaScript enabled to view it. тел: 500914

Яндекс.Метрика