Электр желілері жөнделуде

“Солтүстік Қазақстан электр желілік тарату компаниясы” АҚ алдағы қысқа дайындық аясында тозығы жеткен электр желілеріне жоспарлы жөндеу жұмыстарын жүргізуде. Бүгінгі таң­да акционерлік қоғамның балансында 13221 шақырым электр желісі және әртүрлі 2392 қосалқы станция бар. Олар­дың басым бөлігінің тозығы жеткен. Кәсіпорынның бас дирек­торы Анатолий Казановскийдің айтуынша, жыл сайын жүргі­зі­летін жөндеу жұмыстары тозығы жеткен желілерді техни­калық қалыпты жағдайда ұстауға ғана мүмкіндік беруде. Ал жал­пы электр желілерін толық қалпына келтіру үшін көп уақыт керек.

Акционерлік қоғам Петропавл қаласы мен 8 ауданда энергетика инфрақұрылымын дамыту мен жаңғырту жұмыстарын жүргізуде. Жыл соңына дейін 1 мың шақы­рым электрмен жабдықтау желісі қалпына келтіріліп, 31 шақырым жаңа желі тарту жоспарланған. Нә­тижесінде электр желілердің сапасы жақсарып, тозығы жеткен құрал-жабдықтарды жөндеудің арқасында тұтынушылар сапалы электр энергиясымен қамтама­сыз етілмек. Сондай-ақ, барлық аудандарда жаз бойы ағымдағы жөндеу жұмыстары жүргізілетін болады.

Жауапты іске 32 бригада мен 37 арнайы техника жұмылды­ру­да. Көктемде басталған жөндеу жұмыстары бүгіндері 27 пайызға орындалған. Сондай-ақ, жоспар­лы жұмыс барысында 1156 шақы­рым электр желісі, 2,5 мың шақы­рым кабель, 14 қосалқы және 89 трансформаторлық станция жөн­делмек. Инвестициялық бағдар­лама аясында акционерлік қоғам Петропавл қаласы Жұмысшы кен­тіндегі электр сымдарын қалпына келтіріп, Қызылжар ауданындағы Новомихайловка мен Литейная ауылдарының аралығына жаңа электр желісін тартпақ. Бұдан бө­лек, пайдаланылған электр энер­гиясын есептейтін автоматтан­ды­рылған жүйені енгізу жұмыста­ры жалғастырылып, қажетті құ­рал-жабдықтар мен көліктер са­тып алынатын болады.

– Коронавирус індетіне байла­нысты елімізде енгізілген каран­тин жұмысымызға біраз кедергі келтіргені сөзсіз. Дегенмен, бар жұ­мысты жыл соңына дейін то­лы­ғымен аяқтауды жоспарлап отыр­мыз. Бүгіндері компанияның қа­рамағындағы электр желіле­рі­нің 80 пайызы тозған. Яғни, олар­дың жағдайы техникалық талап­тарға жауап бермейді. Тек кешен­ді жаңғырту жұмыстары ғана жағ­дайды түзеуі мүмкін. Ол үшін қар­жыландыруды кем дегенде үш есе арттыру керек. Сонда желі­лердің жыл сайынғы тозуы 10-20 пайызды құрайтын болады. Бұл жұмыстарды атқару үшін 5 жыл қажет, – дейді Анатолий Ка­зановский.

Андрей АГЕЕВ,

“СевКазЭнерго” АҚ-ның қоғаммен байланыс жөніндегі бөлімінің басшысы.

Add comment


Security code
Refresh

Біздің мекенжайымыз: 150000. Қазақстан Республикасы, Петропавл қаласы, К.Сүтішев көшесі, 7-үй. Газет поштасы: This email address is being protected from spambots. You need JavaScript enabled to view it. тел: 500914

Яндекс.Метрика