- 26 Сәуір 2022
ГАЗБЕН ҚАМТУ – КЕЛЕЛІ МІНДЕТ
Еліміз газ қоры бойынша әлемде – 22-ші, ТМД-да 3-ші орында тұр. Ішкі нарықта газды пайдаланудың күрт артуына байланысты соңғы бес жылда тұтыну көлемі 35 пайызға көбейген. Болжамға сәйкес, мұндай қарқын осы жылы да сақталмақ. Алайда қолданыстағы кен орындарынан газ өндіру көлемінің ұлғаюына үміт артуға болмайтын сияқты. Қазақстанда өндірілетін ілеспе мұнай газының 80 пайыздан астамы Қарашығанақ, Қашаған және Теңіз жобаларына тиесілі. Сенаттың Үкімет сағатында елді мекендерді газдандыру, табиғаттың байлығын тиімді жұмсау мәселелері жан-жақты талқыланып, тиісті шешімдер қабылданды.
- 19 Сәуір 2022
ЕГІСКЕ ДАЙЫНДЫҚ ТЫҢҒЫЛЫҚТЫ
Мамлют ауданының диқандары көктемгі егіс жұмыстарына қызу дайындық үстінде. Егіс науқанын уақытылы әрі сапалы жүргізу – мол өнім алудың кепілі. Биыл мамлюттіктер 164,5 мың гектар жерге дән себуді көздеп отыр. Оның ішінде дәнді дақылдар 117,6 мың, майлы дақылдар 38,5 мың, мал азығы 13,9 мың гектар алқапқа себілмекші. Ал картоп пен көкөністі 1,2 мың гектарға егу жоспарлануда.
- 18 Сәуір 2022
ЖЕКЕ БАҚЫЛАУЫНА АЛДЫ
Облыстық мәслихаттың хатшысы Владимир Бубенконың Мағжан Жұмабаев ауданына жұмыс сапары Булаево қаласындағы кәсіби дайындық және сервис колледжінің жұмысымен танысудан басталды. Оқу орнында “Фермерлік шаруашылық”, “Аспаз”, “Дәнекерлеу ісі”, “Электргазбен дәнекерлеуші”, “Ауыл шаруашылығы өндірісінің тракторшы-машинисі” мамандықтары бойынша 183 студент білім алуда. Оқу, тамақтану және жатақханада тұру тегін. Сонымен қатар колледж студенттері стипендия алады.
- 07 Сәуір 2022
КӨЛІК ИЕЛЕРІ КЕЗЕКТЕН ҚҰТЫЛДЫ
Ірі қалаларда шағын кәсіпкерлік нысанының бірі ашылып, екіншісі жабылып жатады ғой. Оған көпшілік аса мән бере бермейді. Ал аудан орталықтары мен ауылдарда кез келген нысанның ашылуы тұрғындар үшін үлкен жаңалық. Мәселен, Мамлют ауданының орталығында осыған дейін жалғыз көлік жуатын орын жұмыс істеп келген. Жауын-шашын күндері жұрт “темір тұлпарларын” жуу үшін сағаттап кезекке тұратын. Жақында З.Космодемьянская көшесінде тағы бір орталық ашылып, жүргізушілер бір қуанып қалды.
- 05 Сәуір 2022
ЕСКІ ҮЙ ОРНЫНА — ЖАҢА БАСПАНА
Биыл облыс орталығында жергілікті бюджет қаржысына 10 көппәтерлі тұрғын үйді салу жоспарланып отыр. Петропавл қаласы әкімдігінің құрылыс, сәулет және қала құрылысы бөлімінің мәліметінше, оның 9-ы Копай шағынауданында тұрғызылатын болады.