Сіз мындасыз: Home BILIM BERU Студенттермен кездесті

Студенттермен кездесті

М.Қозыбаев атындағы Солтүстік Қазақ­стан универси­теті медицина факультетінің студенттері травматолог-ортопед, вертебролог, PhD докторы Нұрбек Нәдіровпен кездесті. Кездесу барысында дәрігер омыртқаның деформациясы бар науқастарды (сколиоз, кифоз, омыртқа жарақаты және т.б.) емдеу бойынша өз тә­жірибесімен бөлісті.

– Мен қазіргі уақытта Нұр-Сұлтан қаласындағы Ана мен бала ұлттық ғылыми орталығының ортопедия және вертебрология бөлімінде травматолог-ортопед, вертебролог болып жұмыс істеймін. Бұл жерге келудегі мақсатым – аудан, аймақтарға шығып, облыстық ауруханаларға барып, әріптестеріммен тәжірибе бөлісу. Қиын жағдайға тап болған науқастардың біздің орталықта ем алуға мүмкіндігі бар екенін айтқым келеді. Бұл өңірде дәрігерлердің жетіспеушілігі байқалады. Университет базасында медицина факультетінің бар екенін естіп, қатты қуандым, – деген Нұрбек Нәдіров меди­цина факультетінде білім алып жатқан студенттер алдағы уақытта жас маман атанып, еліміздің денсаулық сақтау саласын дамытуға өз үлестерін қосатынына сенім білдірді.

Білікті дәрігер аталмыш университеттің даму стратегиясымен танысып, болашақ медициналық қызметкерлерге шет тілін жақсы меңгеріп, көп оқуды дағдыға айналдыру қажет екенін ескертті. Өйткені медицина саласына қатысты көптеген материалдар ағылшын тілінде. Сонымен қатар мемлекеттік тілді де қатар дамытып, қазақша медициналық материалдарды көптеп шығару қажет екенін жеткізді.

Сержан НҰРДОЛҚЫНҰЛЫ,

“Soltüstık Qazaqstan”.

Add comment


Security code
Refresh

Біздің мекенжайымыз: 150000. Қазақстан Республикасы, Петропавл қаласы, К.Сүтішев көшесі, 7-үй. Газет поштасы: This email address is being protected from spambots. You need JavaScript enabled to view it. тел: 500914

Яндекс.Метрика