Сіз мындасыз: Home BILIM BERU Республикалық кезеңге жолдама

Республикалық кезеңге жолдама

Президенттік олимпиада республикалық және халықаралық сайыстарға қатыспаған 11-сынып оқушылары арасында жыл сайын 3 кезең бойынша (өңірлік, іріктеу, республикалық) өткізіледі. Олимпиаданың әрбір қатысушысы  төрт (математика, физика, химия және биология) пән бойынша тапсырмаларды орындайды. Биылғы оқу жылында олимпиаданың ХІY өңірлік іріктеу кезеңінде 20 үміткеріміз бақ сынады. Білім додасы Оқушылар сарайында «oqylyq.kz» платформасында  ұйымдастырылды.

Бірінші  кезеңде  қазақ және орыс тілдеріндегі тапсырмалар тестілеу түрінде өтіп, әр пәннен 15 сұрақ берілді. Екінші турда республикалық «Дарын» орталығынан жолданған  тақырыптар негізінде эссе жазу ұсынылды.

«Барлық облыстарға «Дарын» республикалық орталығының жауапты қызметкерлері жіберіліп, тапсырмалардың орындалуын жіті бақылады. Біреуден көмек сұрауға, әрлі-берлі жүріп-тұруға қатаң тыйым салынды. Ереже бұзушылық тіркелсе, жүйе автоматты түрде өшеді. Талапкерлерге калькулятор мен Менделеев кестесін қолдануға рұқсат берілді», – дейді ұйымдастырушылар.

Оқушылар сарайында  жаратылыстану-математикалық бағыттағы пәндер бойынша  Президенттік олимпиаданың ХІY іріктеу кезеңінің қорытындылары шығарылып, онда сөйлеген сөздерінде облыстық білім басқармасы басшысының міндетін атқарушы  Татьяна  Протопопова, білім саласындағы әдістемелік және  ақпараттық технологиялар оталығы директорының орынбасары Болатхан Жүсіпов  облыс бестікті түйіндегенін, ал айтулы бәсекенің республикалық кезеңіне 8 оқушының іріктеліп алынғанын жеткізді.

  Бақыт ҒАБДУЛЛИНА,

 білім саласындағы әдістемелік

 және ақпараттық технологиялар

 орталығы директорының міндетін атқарушы.

                                                                                        .

                                                                                               

Add comment


Security code
Refresh

Біздің мекенжайымыз: 150000. Қазақстан Республикасы, Петропавл қаласы, К.Сүтішев көшесі, 7-үй. Газет поштасы: This email address is being protected from spambots. You need JavaScript enabled to view it. тел: 500914

Яндекс.Метрика